(好長氣的一篇網誌)
話咁快,仲有唔夠兩個月,我們便結婚了!
常聽見朋友們這個問題:「啲嘢搞成點呀?」
整體上,算是跟到schedule啦,當然仲有好多「濕星嘢」要KO。我常提醒自己以下幾個原則,以免「揀嚟揀去」,浪費時間之餘,令到大家又疲倦又煩燥。
– 只要「夠好」便可以了,不用追求完美(當然咩叫做「好」,都係好subjective既);
– 揀咗就唔好再search,以免因多心而改嚟改去;
– 儀式、繁文縟節只不過是「一迅之間」,兩人的關係及我倆與天父的關係才是最重要的。
* * * * * *
好,講吓進展先:
1. 婚前輔導 – 已完成課程了,但在婚前牧師會再約見一次,並要遞交保險文件,另外,婚後會有另一個工作坊。
2. 婚前檢查 – 已完成並睇報告了,肥仔也因此而努力擺脫「肥仔」狀態。
3. 減肥 – 唉… 呢個最behind schedule!只剩下個多月,肥妹,要加油喇。
4. 拍攝 – 兩輯Pre-Wedding都可以取貨了,期待!另外,有關Big Day當日的拍攝,要跟Amazing Grace夾schedule,亦要在最遲30天前交音樂及30張相片,製作成長片段;另一邊廂,那段「恐佈片」正由家姐幫忙做editing;也謝謝SaiDee當日幫手拍Snapshot!
5. 婚禮 –
程序已進入大直路了(這個批核程序都幾漫長:先由永光牧者審批,再交給佑寧堂的牧者審批,改了兩個version,主要係minor amendments,現正交到該堂的主任牧師finalize,如確定了,就可以設計和印刷,我打算自己整)。
婚咭正在印刷中,十分感謝好姊妹何貓!
婚禮的主要人員已confirmed,稍後要把「教堂紙」、証婚人ID copy及教堂租金尾數交給佑寧堂。
Rehearsal、練歌時間亦已confirmed。
回禮禮物未訂,要上淘寶買了(總是的唔起心肝,煩!)
6. 婚宴 – 開始向同事/舊同學/弟兄姊妹/朋友作出邀請了,請柬已印好;呢part係最忙,confirm了出席名單後,就要開始print label、入信封、入利是… 又要分枱。稍後要跟酒店宴會部確定圍數、菜單、當晚的流程、其他細節… 好多嘢搞!還有,要邀請banquet的MC。
7. 禮服造型 –
新人/家人/姊妹的禮服已租或造了,到農暦年之前,便要忙於一系列的fitting!另外,相信當日的天氣很寒冷,很想為自己及家人/姊妹訂購毛毛披肩,又是淘寶!還有中小曳人的型仔禮服+白波鞋、改girdle… 好多嘢搞!暈!
約Hoolala落實當日的造型、飾物及時間表,又係時間。
還有「花」這東西!新人的花球襟花會用新鮮花,至於家人/兄弟姊妹的襟花手花,就在笋崗搞掂咗。
8. 當日交通安排確定了:主花車是肥仔的座駕(用開有感情,又不用問其他人借車、或浪費租車錢),另外已向「孖一世」租了28座;此外,爺爺嫲嫲的接送分別交給大伯和姑姐,的士來回。
9. 過大禮confirm了日期,稍後要抽時間買海味,訂過大禮set、訂水果籃、訂唐餅… 也找了弟兄和姊妹幫手。
10. 還有… 撰寫當日流程(其實都出咗個prelim)、分工、物資,約兄弟姊妹食飯、安排當日的午飯。
暫時就是這樣。